HERACLIUS Cappadox

HERACLIUS Cappadox

Imp. fil. Heraclii, Africae praefectus, Phocâ devicto, et capite truncato thronum conscendit, A. C. 610. cum uxore Eudoxia, a Patriarcha Sergio, coronatus; quâ mortuâ neptem suam Martinam sibi iunxit: Cosroi II. Persiae Regis qui bellum sub Phoca inceptum, contra Heraclium acrius continuabat, tributo oblato irrisus est, ille enim pergens Palaestinâ, Cappadociâ et Armeniâ subiugatis, Hierosolymam cepit et diripuit, magnâ fidelium manu, cum Zacharia Patriarcha in captivitatem abducta. Secundo roganti pacem, dura lex abnegandi Christum imposita, hinc indignatio preces ad Deum, collata in aerarium bona Eccles. exin. victus ad internecionem Barbarus, A. C. 621. qui trepidâ fugâ in regnum elapsus a Syroe primogenito, quem pater, iuniore surrogato praeterire decreverat, in vinculis occisus est. Cum hoc pax facile coaluit. Dein religionis controversiis temere immiscens se Imp. Anastasium ab Eutychianismo abductutus, in Monothelitarum errorem Hierapoli incidit, et Sergii Monothelitae suasu, Ecthesin edidit, Orthodoxiae perniciosam. Quibus dum Ecclesia affligitur, ab altera parte, succesores Mahometis, in Oriente, non exiguos progressus fecêrunt. Obiit hydrope, A. C. 641. Imperii 30. Evagr. l. 6. Cedren. in Heracl. Theophanes miscell. l. 18. Niceph. in Chron. Zonaras, Suid. De nummo adulterino Heraclii, medallione videlicet insigni aureo, adeptae ab eo crucis, a persis, atqueve in urbem Regiam relatae, Historiam referente: de nummis item Constantini et Constant. ex fam. Heracliana: porro de nummis eiusdem fam. Τρικεφάλοις seu tricipitinis, vide C. du Fresne Dissert. de inf. aevi Numism. n. 65. et 72. ubi etiam de Heraclio Parente, Heraclio Iuniore, qui et Constantinus nuncupatus, diebus tantum 103. post patris exceslum imperavit, pater Constantis; quo genitus Constantinus Pogonatus, Heraclius et Tiberius II. varia, vide quoqueve infra, ubi de nummis Tricipitinis.

Viri Illustres.